Até principios dos anos 60, e a pesar dos avances que houbera en canto a formas, a realidade é que as táboas que se fabricaban non deixaban de ser máis que rudas evolucións dos deseños dos anos 50. A partir de 1965, as formas comezaron a refinarse. É nese ano, en plena febre do nose-riding, que comezaron a reducirse os grosores e a adelgazar os cantos. A chegada da táboa curta produciuse no momento no que as táboas de máis de 9 pés empezaban a ser máis maniobrables.

George Greenough. (Foto cortesía de John Witzig).

George Greenough, Bob McTavish e Nat Young foron o trio que revolucionou o surf neses anos: grazas ao seu enxeño non só reduciuse o tamaño das táboas, até pouco máis de dous metros. Creáronse novas formas, como a carena en forma de V (concepto V-bottom) deseñada por McTavish, e que naquel momento supuxo o deseño máis influente desde que Tom Blake colocara unha quilla nunha táboa de surf; os deseños de quillas de Greenough, baseados nas formas das aletas dos peixes, leváronse ao límite; todo iso deu lugar a un tipo de táboa cun comportamento absolutamente novo. A “V-bottom”, levada ao cinema por Eric Blum en “The Fantastic Plastic Machine”, foi máis que un cambio de deseño, foi un cambio de mentalidade para o surf.

Poster de The Fantastic Plastic Machine

Tipos de táboas e a súa evolución no tempo

1000    Alaia         6 -9 ft

1000    Olo        12-16 ft

1926    “Cigar” Paddleboard /  Tom Blake        16 ft

1930    Waikiki Redwood  /  Pacific System Homes        11 ft

1935    Stabilizing fin  /  Tom Blake         12 ft

1937    Hot Curl  /  John Kelly – Wally Froiseth – Fran Heath         11 ft

1945    The Spoon  /  Bob Simmons         10 ft

1948    Malibu Chip /  Joe Quigg – Matt Kivlin         11 ft

1950    Rocket /  George Downing        10 ft

1955    The “Pig” /  Velzy – Jacobs        10 ft

1958    Polyurethane Board /  Hobie Alter – Gordon Clark        9 -10 ft

1965    Asymmetric /  Carl Ekstrom        9 ft

1966    “Da Cat” /  Greg Noll        9 ft

1966    Magic Sam /  N. Young, B. McTavish, G Greenough        9’6 ft

1967    Deep V /  Bob McTavish        7 – 8 ft

1967    Fish /  Steve Lis        7 ft

1968    Gun /  Dick Brewer        7 – 8 ft

1968    Velo /  George Greenough        5 ft

1970    Pocket Rocket /  Dick Brewer        8 ft

1970    Twin-fin /  Mike Eaton        6 ft

1972    Bonzer /  Campbell Brothers        6 – 7 ft

1974    Stinger /  Ben Aipa        6 – 7 ft

1976    Twin-fin /  Mark Richards – Dick Brewer        5 – 6 ft

1981    Thruster /  Simon Anderson        6 ft

1996    Tow-in /  Laird Hamilton – Gerry Lopez        7 ft